Grand Prix Upper Austria 2025. Бугун икки дзюдочимизга мухлислик қиламиз

Дунёнинг 52 давлатидан жами 416 нафар (247 эркак, 169 аёл) спортчи қатнашадиган ушбу мусобақада терма жамоамизнинг 7 дзюдочиси юртимиз шарафини ҳимоя қилади. Бугунги илк кун дастуридан ўрин олган енгил вазн тоифаси вакиллари иштирокидаги баҳсларда икки дзюдочимиз татамига чиқади. 

Таъкидлаш жоиз, шу пайтгача -60 кг вазн тоифасида фаолият олиб борган Дилшодбек Баратов ўзини янги вазнда синаб кўради. Бугун у илк босқичда бельгиялик Дени Алтемировга қарши баҳс олиб боради. Ёш дзюдочи қизимиз Лазиза Ҳайдарова эса испаниялик Мария Гомес билан тўқнаш келади. 

Дзюдочиларимиз учун қуръа натижалари:

-48 кг: Лазиза Ҳайдарова - Мария Гомес (Испания)

-66 кг: Дилшодбек Баратов - Дени Алтемиров (Бельгия) 

Grand Prix Upper Austria 2025 турнирининг биринчи кунги саралаш беллашувлари бизнинг вақт билан соат 14:00да бошланади.