Grenke Chess Festival 2026. Икки Нодирбек ва Шамсиддинда юз фоизлик натижа

Мусобақанинг кучлилар жам бўлган Freestyle Open гуруҳида 3-тур учрашувлари ортда қолди. Ушбу гуруҳда қатнашаётган гроссмейстерларимиз Нодирбек Абдусатторов, Нодирбек Якуббоев ва Шамсиддин Воҳидов юз фоизлик натижа билан пешқадамлар сафида бормоқда. 

Нодирбек Абдусатторов 3 очко жамғарган ҳолда қўшимча кўрсаткичларга кўра 2, Воҳидов 8, Якуббоев эса 12-ўринни банд этган. Магнус Карлсен 9-поғонадан жой олган. Америкалик Ҳанс Ниеманн ҳозирча пешқадам. Яна бир ҳамюртимиз Афруза Ҳамдамова 3 имкониятдан 2 очко жамғарган. 

Бироз аввал турнирда 4-тур учрашувлари старт олди ва эътиборлиси, унда ўзбек дербиси ўтказилмоқда. Нодирбек Абдусатторов қора доналарда Шамсиддин Воҳидовга қарши баҳс олиб бормоқда. Нодирбек Якуббоев эса оқ доналарда ҳиндистонлик аёл гроссмейстер Ҳарика Дронавалли билан ҳисоб-китоб қиляпти. Афруза Ҳамдамова бу турда Тобиас Беккерга қарши ўйнамоқда.