Грикспур бош совринни ўз ватанида олиб қолди

Унинг ҳал қилувчи финал учрашувида дунёнинг 38-ракеткаси бўлиб турган нидерландиялик Таллон Грикспур ATP рейтингида 103-поғонада жойлашган австралиялик Жордан Томпсонни 6/7(4), 7/6(3), 6/3 ҳисобларида мағлубиятга учратди.

Теннисчиларнинг ўзаро учрашувларидаги ҳисоб мувозанати тикланди - 1:1. Икки соату 37 дақиқа давом этган баҳсда Грикспур 9, Томпсон 12 та эйс зарбани амалга оширди. Бу Грикспурнинг фаолиятидаги иккинчи соврини бўлди. 

Ўз ватанидаги муваффақиятли иштирок унга 250 рейтинг очкоси ва 102,460 евро мукофот пули келтирди. Томпсон эса бир ҳафталик меҳнатидан 150 очко ва 59,760 евро ишлаб олди.