27 фев 19:53
Янгиликлар

Спорт курашлари

Ғуломжон Абдуллаев финалда, Жалолов бронза учун курашади

Туркиянинг Истанбул шаҳри мезбонлигида ўтаётган йилнинг дастлабки рейтинг турнирининг сўнгги кунги баҳслари давом этмоқда.

Токио Олимпиадаси иштирокчиси Ғуломжон Абдуллаев ўзи учун янги вазнда илк халқаро мусобақасидаёқ финал йўлланмасини қўлга киритди. Абдуллаев бироз аввал ярим финалда қирғизистонлик Улуғбек Жолдошбековни 7-0 ҳисобида доғда қолдирди. Ғуломжоннинг олтин медаль учун кечадиган беллашувдаги рақиби Ҳиндистон ёки Эрон курашчиларидан бири бўлади.

Ўзи учун янги 65 кг вазнда имкониятини синаб кўраётган истеъдодли эркин курашчимиз Умиджон Жалолов чорак финалда россиялик Шамил Мамедовга ютқазиб (0-4) қўйганди. Мамедов финалга йўл олгани боис, Жалоловда бронза медали учун имконият юзага келди. Бунинг учун у аввало ўтиш баҳсида эронлик Ҳасанали Мортеза Чекани мағлуб этиши лозим.