26 янв 17:08
Янгиликлар

Теннис

Ҳумоюн Қозондаги турнирда вице-чемпион бўлди

Қозон шаҳрида теннис бўйича эркаклар ўртасидаги турнир якунига етиб бормоқда.

Бугун мусобақанинг жуфтликлар ўртасидаги финал учрашуви бўлиб ўтди. Турнирда мезбон теннисчи Александер Василенко билан бирга иштирок этаётган ҳамюртимиз Ҳумоюн Султонов бугун финал учрашувида кортга чиқди.

Улар бош соврин учун мезбон теннисчилар тандеми Михаил Фуфигин ва Денис Мацукевичга қарши ўйин ўтказдилар. 1 соат 19 дақиқа давом этган ўйинда афсуски Ҳумоюн ва унинг шериги 4:6, 4:6 ҳисобларида имкониятни бой берди.

Шу тариқа, ҳамюртимиз турнирнинг жуфтлик баҳсларида вице-чемпионга айланди.