Ҳумоюн Султонов "Ролан Гаррос" турнирида иштирок этади + ФОТО

Биз учун аҳамиятлиси, French Open 2025 турнирида ҳамюртимиз Ҳумоюн Султонов ҳам иштирок этади. "Тўққиз йилдан сўнг яна бу ерга қайтганимдан хурсандман", деди тенничимиз ўз хурсандчилигини ижтимоий тармоқдаги кузатувчилари билан бўлишиб. 

Қуръа натижасига кўра, Султонов илк даврада испаниялик тажрибали теннисчи Альберт Рамос-Виноласга қарши кортга чиқадиган бўлди. 37 ёшли Альберт Рамос фаолиятида давомида 4 та ATP турнирида чемпион бўлган. Фаолиятидаги энг юқори рейтинг поғонаси 17-ўрин (8 май, 2017 йил) ҳисобланади. Турнирлардаги иштирокидан тахминан 11 миллион доллар ишлаб топган. "Ролан Гаррос" турниридаги энг яхши натижаси 1/4 финал (2016) бўлган.

Ҳумоюн Султонов - Альберт Рамос учрашуви бугун, бизнинг вақт билан соат 16:00да бошланади. Ҳумоюн айни пайтда ATP рейтингида 224, Рамос эса 248-ўринни эгаллаб турибди. Бу теннисчиларнинг ўзаро илк учрашуви бўлади.