21 июл 13:09
Янгиликлар

Бокс/ММА

Ҳумоюн Тўхтамуродов бразилиялик спортчи билан жанг қилади (ПОСТЕР)

25 июль куни Қозоғистоннинг Конаев шаҳрида ММА бўйича Octagon 89 турнири ўтказилади.

Мусобақада ўзбекистонлик таниқли аралаш якка кураш устаси Ҳумоюн Тўхтамуродов ҳам иштирок этади.

Унга ўша куни бразилиялик аралаш якка кураш устаси Виктор Ромеро рақиб бўлади. Баҳс енгил вазн тоифасида ўтказилади.

Аввалроқ, турнирда яна бир ҳамюртимиз Шоҳасан Мирзаматов ҳам жанг қилиши ҳақида хабар бергандик.

Маълумот учун, Ҳумоюн "Борз" Тўхтамуродов фаолияти давомида 20 та жанг ўтказиб, 15 та ғалаба ва 5 та мағлубият қайд этган. Ромеро ҳисобида эса 14 та ғалаба ва 9 та мағлубият бор.