31 окт 12:38
Янгиликлар

Бокс/ММА

IBA президенти Мейвезер - Пакьяо реванш жангини ташкил этишга тайёрлигини билдирди

IBA халқаро бокс ассоциацияси президенти Умар Кремлёв икки афсона - 46 ёшли Мэнни Пакьяо ва 48 ёшли Флойд Мейвезер ўртасида реванш жанги ташкил этишни таклиф қилди.

Куни кеча Кремлёв ва Пакьяо Филиппин пойтахти Манила шаҳрида бўлиб ўтган матбуот анжуманида иштирок этишди. Унда Пакьяонинг ўзи Мейвезер билан реванш жанги бўйича музокараларни бошлаганини маълум қилди. Кремлёв эса агар боксчилар келишувга эришса, ушбу жангни ташкил этишга тайёрлигини билдирди.

"Дунё ҳали ҳам Флойд Мейвезер ва Мэнни Пакьяони яна бир бор жангда кўришни истайди - мерос учун. Агар иккала чемпион ҳам тайёр бўлса, IBA буни амалга оширади. Биз Мейвезер - Пакьяо жангини улар муносиб бўлган ҳурмат ва глобал қамров билан адолатли ва шаффоф шартларда ташкил этишга тайёрмиз", - деди Кремлёв.