29 июл 13:13
Янгиликлар

Дзюдо

IJF вакили Жаҳон чемпионатига тайёргарлик жараёнини ўрганиш мақсадида Тошкентга келди

Маълумки, 6-13 октябрь кунлари пойтахтимиз дзюдо бўйича катталар ўртасидаги Жаҳон чемпионатига мезбонлик қилади.

Муҳташам "Ҳумо Арена" саройи саккиз кун давомида дунёнинг 100 дан зиёд давлатидан ташриф буюрадиган жаҳон дзюдоси юлдузлари иштирокидаги муросасиз беллашувларга мезбонлик қилади.

Олимпиададан кейинги илк дунё биринчилигига олиб борилаётган тайёргарлик билан танишиш мақсадида Халқаро дзюдо федерацияси (IJF) расмий вакили Жанити Тибор юртимизга келди. Жаноб Тибор жаҳон чемпионати ташкилий қўмитаси вакиллари ҳамроҳлигида "Ҳумо Арена" саройини кўздан кечирди.

Жанити Тибор асосий беллашувлар ўтказилувчи арена, машғулотлар зали, дзюдочиларнинг кийиниш хоналари билан яқиндан танишди ҳамда ўз тавсияларини берди.