19 дек 07:45
Янгиликлар

Бокс/ММА

Икки йўналишда жаҳон чемпиони Головкин иштирокидаги жанг бўлиб ўтди

АҚШнинг Флорида штати Голливуд шаҳрида профессионал бокс кечаси якунланди.

Оқшомнинг марказий жангида қозоғистонлик афсонавий боксчи Геннадий Головкин (40-1-1, 35 КО) даъвогар польшалик Камиль Шеремета (21-0, 5 КО) билан рингда тўқнаш келди.

Ўрта вазн тоифасидаги ушбу жанг Головкинга тегишли IBF ва IBO чемпионлик камарлари учун кечди. Ўн икки раундга мўлжалланган жанг муддатидан аввал якунланди. Шеремета саккизинчи раундга чиқмади. У бунга қадар биринчи, иккинчи, тўртинчи ва еттинчи раундларда нокдаун ҳолатига тушиб қолган эди.

Шу тариқа, Геннадий Головкин профессионал бокс фаолиятидаги 41-ғалабасини қўлга киритиш баробарида ўзига тегишли IBF ва IBO чемпионлик камарларини ҳимоя қилди. Камил Шеремета эса проф-рингдаги биринчи мағлубиятини қабул қилиб олди.