17 мар 12:28
Янгиликлар

Теннис

Индиан-Уэллс. Тим Раонични мағлуб этиб, финалга чиқди

АҚШнинг Индиан-Уэллс шаҳрида ўтказилаётган "Мастерс" сериясига кирувчи нуфузли турнир ўз якуни сари яқинлашмоқда.

Эркаклар ўртасидаги мусобақада ярим финал учрашувлари ўтказилиб, финалчилар номи маълум бўлди. Рафаэль Надаль жароҳати сабаб кортга чиқа олмагани боис, Рожер Федерер курашсиз финалга йўл олди.

Дунёнинг саккизинчи ракеткаси Доминик Тим қийин кечган учрашувда канадалик Милош Раонични мағлуб эта олди. Австриялик теннисчи рейтингнинг 14-поғонасидан жой олган рақибидан 7/6(3), 6/7(3), 6/4 ҳисобида устун келди.

Учрашув 2 соату 31 дақиқа давом этган. Тим илк бор Раонични мағлубиятга учратди. Бундан аввалги ўзаро баҳсларнинг иккитасида Милош ғалаба қозонган эди. BNP Paribas Open турнири финалида Доминик Тим ва Рожер Федерер тўқнаш келишади.