Инфантино Мексикадаги воқеликлар бўйича изоҳ берди

Турнир ўйинларининг бир қисми Мексикада ўтказилади.

Унинг сўзларига кўра, ҳозирча вазият барқарор ва жиддий хавотир уйғотмаяпти.

"Вазият тинч, ҳозир ҳаммаси жойида. Умуман олганда, барчаси муаммосиз ўтиши керак", – деди Инфантино.

Аввалроқ 24 февраль куни Мексика қуролли кучларининг махсус операцияси вақтида мамлакатдаги энг йирик наркокартеллардан бири раҳбари — Эль Менчо лақаби билан танилган Немесио Осегера йўқ қилинганди. Шундан кейин бир қатор шаҳарларда тартибсизликлар авж олди: жиноий ташкилот аъзолари автомобилларни ёқиб юборишди ва трассаларни тўсиб қўйишди. 

Тартибсизликлар турнир ўйинлари шаҳарлардан бири Гвадалахарани ҳам четлаб ўтмади, у ерда Испания ва Уругвай терма жамоалари ўртасидаги учрашув ҳам режалаштирилган.

Футбол бўйича ЖЧ-2026 11 июндан 19 июлгача уч мамлакат — АҚШ, Канада ва Мексикада бўлиб ўтади. Мексика ҳудудида ўйинларни Мехико, Монтеррей ва Гвадалахара қабул қилади.