Ислам Махачев: "Волкановски билан тарих ёпилди"

Муҳташам "Этихад Арена"да узоқ кутилган UFC 294 турнири бўлиб ўтди. Оқшомнинг марказий жангида енгил вазн тоифасида амалдаги UFC чемпиони Ислам Махачев ярим енгил вазн чемпиони Александр Волкановскига қарши октагонга кўтарилди. Жангнинг биринчи раундидаёқ Ислам рақибини оёқда йўллаган хайкик зарбаси билан мағлубиятга учратди. 

"Мен бўйи паст рақибларимнинг бош қисмига оёқда яхши зарба йўллайман. Буни бугун ҳам исботладим. Волкановски билан жангга асосий режамиз айнан шундай эди ва бу иш берди. Бир нечта лоу-кик зарбаларини йўллаб, Волкановскини хато қилишга мажбур этдим. Рақибимнинг оёқ, тана ва кейин бош қисмига зарба бериш устида бир неча ой ишладик. Бу вазифани юз фоизга уддаладим. 

"Рақибимни биринчи раунддаёқ мағлубиятга учратганимдан хурсандман. Нега? Агар бу ишни чемпионлик раундларида амалга оширганимда, одамлар Алексни жангни қисқа муддатда қабул қилди, беш раундлик жангга тайёргарлиги яхши бўлмади деган гапларни ёғдиришарди. Энди Волкановски билан тарих ёпилди. 

"Айрим одамлар менинг зарба техникамга паст баҳо беришади. Бундан буён улар мени ҳурмат қила бошлашади. Мен фақат курашчи ва грепплер эмаслигимни исботладим. Айни пайтда дунёнинг энг яхши ММАчисиман", - деди Махачев кечаги жангдан кейин ўтказилган матбуот анжуманида.