Ислам Махачевга UFC'да Оливейрадан бошқа рақиб қолмадими?

Энди промоушен раҳбарияти Ислам Махачевга муносиб рақиб топа олмаяпти, чунки у ҳар қандай потенциал рақибдан бир бош устун. 

Бу UFC учун одатий ҳолат эмас, аммо ҳозир енгил вазнда Исламга муносиб қаршилик кўрсата оладиган жангчи номини айтиш бироз мушкул. Ҳамма Дариушдан умид қилаётган эди, бироқ у имкониятни бой берди. Махачевнинг ўзидан сўралганда, у ҳозир ўзи учун яхшироқ рақиб сифатида Дастин Порьени эътироф этди.  

Албатта, Ислам америкалик спортчининг катта номига ишора қилди, боиси Дастин ҳақиқатан ҳам UFC’даги ОАВда энг машҳур жангчилардан бири. Хўш, Порье унга етарлича қаршилик кўрсата оладими? 

Бу борада катта шубҳалар бор. Дастин у қадар жанг қила олмайди, доғистонлик спортчи катта эҳтимол билан уни партерда “синдириб” ташлайди. Жастин Гэтжи – оддий курашчи, Хабиб ҳамда Оливейра уни осонлик билан таслим этган. Чендлер ва Физиевда ҳам бир хил камчиликлар бор, Арман Царукян эса ҳали тайёр эмас. Ҳа, Оливейра асосий номзод бўлиб турибди, лекин Ислам ҳозирги ҳолатда ундан анчагина устун.

Ҳабиб Жўрабоев таржимаси