Истборн турнири бош соврини океан ортига кетадиган бўлди

Мусобақа бош соврини америкалик Тэйлор Фрицга насиб этди. Дунёнинг бешинчи ракеткаси финал баҳсида ATP рейтингида 149-поғонада бораётган ватандоши Женсон Бруксбини 7/5, 6/1 ҳисобида мағлубиятга учратди. Фриц ҳамюртларнинг ўзаро учрашувлари ҳисоб-китобида олдига чиқиб олди - 2:1. 

Саксон саккиз дақиқа давом этган баҳсда Фриц 8 та эйс, 4 та брейкка эришиб, 1 та қўшхатога йўл қўйди. Фриц кетма-кет иккита турнирда чемпион бўлди. У ўтган ҳамта Штутгартдаги майса қопламали турнирда ҳам бош совринга эга чиққанди. Бу унинг фаолиятидаги 10-соврин бўлди.