21 фев 00:31
Янгиликлар

Теннис

Истомин АҚШдаги турнирда иккинчи давра ўйинини ўтказди

Ўзбекистоннинг биринчи ракеткаси Денис Истомин Делрэй Бичдаги мусобақада иштирок этаётгани ҳақида хабар қилгандик.

Ҳамюртимиз турнирнинг иккинчи даврасида франциялик Адриан Маннаринога қарши ўйин ўтказди. Афсуски, 80 дақиқа давом этган учрашувда Маннарино теннисчимизни 6:2, 7:6(3) ҳисобида мағлуб этди.

Эътиборлиси, Денис иккинчи сетнинг саккизинчи геймидан сўнг ҳисоб 5:3 кўринишига келган бир паллада бу имкониятдан фойдалана олмади. Ўша пайтда Истомин ўз геймини бой бериб қўйди.

Таққослаш учун Истомин айни пайтда жаҳон рейтингида 102, Маннарино эса 51-ўринни эгаллаб турибди.