03 фев 10:24
Янгиликлар

Теннис

Истомин Болгариядаги турнирда, унинг илк рақиби маълум

Эртага Болгария пойтахти София шаҳрида теннис бўйича нуфузли ATP турнирининг асосий тўр баҳслари старт олади.

Ушбу мусобақада мамлакатимизнинг биринчи ракеткаси Денис Истомин ҳам иштирок этади. Sofia Open турнирининг мукофот жамғармаси 586 140 еврони ташкил қилади. Чемпион теннисчи 90 390 евро мукофот пули ҳамда 250 рейтинг очкосини қўлга киритади.

Қуръа натижасига кўра, Денис Истомин илк даврада италиялик Маттео Берреттинига қарши кортга чиқади. Бу икки теннисчи ўртасидаги учрашув ғолибини иккинчи даврада турнирнинг биринчи ракеткаси Карен Хачанов кутиб турибди. Россиялик теннисчи тўғридан-тўғри иккинчи даврадан баҳсларга қўшилади.