19 фев 03:21
Янгиликлар

Теннис

Истомин Делрэй-Бичда кучли рақибни мағлуб этди

Мамлакатимизнинг биринчи ракеткаси Денис Истомин АҚШнинг Делрей-Бич шаҳрида старт олган нуфузли ATP турниридаги иштирокини ғалаба билан бошлади.

Ҳамюртимиз ўз иштирокини тўғридан-тўғри асосий тўрдан бошлади. У бир неча дақиқа аввал биринчи босқичда испаниялик Фелисиано Лопесга қарши кортга чиқди. Бир соату 41 дақиқа давом этган учрашувда Денис кучли рақибини 7:6(5), 6:2 ҳисобида доғда қолдирди.

Эътиборлиси, Истомин фаолиятида илк бор испаниялик ракетка устасидан устун келди. Бундан аввалги учта баҳсда Лопеснинг қўли баланд келган эди. Ҳамюртимиз айни пайтда ATP рейтингида 102, Лопес эса 67-ўринни эгаллаб турибди.