12 мар 07:26
Янгиликлар

Теннис

Истомин иштирокидаги учрашув ёмғир сабаб тўхтатилди

Мамлакатимизнинг биринчи ракеткаси Денис Истомин АҚШнинг Аризона штатининг маркази ҳисобланган Финикс шаҳрида ўтказилаётган турнирда иштирок этяпти.

Ҳамюртимиз бундан бир неча соат аввал “Челленжер” туркумига кирувчи турнирнинг биринчи давра учрашувида кортга чиқди. Унинг рақиби словакиялик Йозеф Ковалик бўлмоқда.

Лекин ёмғир сабаб ушбу баҳс кечиктирилди. Биринчи сетнинг биринчи геймида Ковалик ҳисобда олдинга чиқиб олган. Денис тўп узатаётган иккинчи геймда учрашув тўхтатилган. Ҳозирча баҳснинг қачон давом эттирилиши маълум эмас.

Таққослаш учун, Денис Истомин айни пайтда жаҳон рейтингида 101, Йозеф Ковалик эса 116-ўринни эгаллаб турибди. Теннисчилар шу кунгача ўзаро тўқнаш келишмаган. Истомин - Ковалик учрашуви ғолибини иккинчи даврада турнирнинг олтинчи ракеткаси италиялик Берретини кутиб турибди.