04 янв 10:02
Янгиликлар

Теннис

Истомин қатнашган турнирда 26 йиллик рекорд янгиланди

Ҳиндистоннинг Пуна шаҳрида ўтказилаётган теннис турнири ўзининг ҳал қилувчи палласига кирди.

Хорватиялик Иво Карлович чорак финалда латвиялик Эрнест Гулбисни мағлубиятга учратиб, АТР турнирларида 1993 йилдан бери сақланиб турган рекордни янгилади.

Аниқроғи, 39 ёшли Карлович ATP турнирларининг 1/2 финалида ўйнайдиган энг ёши катта теннисчига айланди. Бундан аввалги рекорд 26 йил аввал Сан-Франциско турнирида афсонавий Жимми Коннорс томонидан ўрнатилган эди.