05 фев 21:19
Янгиликлар

Теннис

Истомин София турнирида илк давра учрашувини ўтказди

Ўзбекистоннинг биринчи ракеткаси Денис Истомин Софиядаги мусобақанинг илк даврасида италиялик Маттео Берреттинига қарши кортга чиқди.

Бир соату 33 дақиқа давом этган баҳс якунида Берреттини 6:4, 7:6(7) ҳисобида ғалаба қозонди. Денис тайбрекда икки бор сетболга эга бўлса-да, бу имкониятдан фойдалана олмади. Натижада у София турниридаги иштирокини жуда ҳам эрта якунлади.

Маълумот учун, Денис айни пайтда жаҳон рейтингида 106, Берреттини эса 53-ўринни эгаллаб турибди. Бу икки теннисчининг ўзаро илк учрашуви эди.