06 фев 07:09
Янгиликлар

Теннис

Истомин Софиядаги иштирокидан 5 285 € ишлаб олди

Болгария пойтахти София шаҳрида теннис бўйича нуфузли ATP турнири давом этмоқда.

Sofia Open турнирининг мукофот жамғармаси 586 140 еврони ташкил қилади. Ушбу мусобақада мамлакатимизнинг биринчи ракеткаси Денис Истомин ҳам иштирок этди. ATP рейтингида 106-ўринни эгаллаб турган ҳамюртимиз кеча ўтказилган илк давра учрашувида 53-поғонадан жой олган италиялик Маттео Берреттинига 4:6, 6:7(7) ҳисобида имкониятни бой бериб қўйди.

София турнирида чемпион бўлган теннисчи 90 390 евро мукофот пули ҳамда 250 рейтинг очкосини қўлга киритади. Денис кечаги иштироки учун 5 285 евро мукофот пулига эга бўлди. Лекин биринчи даврадаги мағлубият учун рейтинг очкоси берилмайди. Истоминни хафа қилган Маттео энди иккинчи босқичда турнирнинг биринчи ракеткаси россиялик Карен Хачановга қарши кортга чиқади.