13 мар 06:14
Янгиликлар

Теннис

Истомин ёмғир сабаб тўхтатилган баҳсни якунига етказа олмади

Мамлакатимизнинг биринчи ракеткаси Денис Истомин АҚШнинг Аризона штати Финикс шаҳрида ўтказилаётган турнирда кортга чиқди.

Ҳамюртимиз “Челленжер” туркумига кирувчи турнирнинг биринчи давра учрашувини якунига етказа олмади. У словакиялик Йозеф Коваликка қарши кечган баҳснинг иккинчи сет учинчи геймидан сўнг курашни давом эттира олмаслигини маълум қилди.

Бунга Дениснинг аввалги жароҳати сабаб бўлди. Ўзи аслида учрашув кеча ўтказилиши керак эди. Лекин ёмғир сабаб ушбу баҳс кечиктирилганди. Биринчи сет 6:3 ҳисобида Ковалик фойдасига ҳал бўлди. Иккинчи сетда ҳам словак теннисчиси 2:1 ҳисобида олдинда бораётган эди.

Таққослаш учун, Денис Истомин айни пайтда жаҳон рейтингида 101, Йозеф Ковалик эса 116-ўринни эгаллаб турибди. Теннисчилар шу кунгача ўзаро тўқнаш келишмаганди.