Истоминни мағлуб этган Федерернинг иккинчи рақиби маълум

Швейцариялик теннис юлдузи Рожер Федерер Australian Open мусобақасининг амалдаги ғолиби ҳисобланади. У 1 соату 57 дақиқа давом этган илк давра баҳсида мамлакатимизнинг биринчи ракеткаси Денис Истоминни 6/3, 6/4, 6/4 ҳисобида мағлуб этганди.

Рожер кечаги ўйинда 14та эйс зарбасини амалга оширди. 37 ёшли дунёнинг учинчи ракеткаси энди иккинчи босқич учрашувида Дэниэль Эвансга қарши кортга чиқади. Британиялик ракетка устаси биринчи даворада япониялик Тацумо Итодан 7/5, 6/1, 7/6(8) ҳисобида устун келди.