12 апр 08:58
Янгиликлар

Теннис

Истоминни мағлуб этган Зверев ютқазди

Дунёнинг учинчи ракеткаси Александр Марокашнинг Марракеш шаҳрида ўтказилаётган турнирдаги иштирокини якунлади.

Германиялик теннисчи 2 соату 25 дақиқа давом этган иккинчи давра учрашувида испаниялик Хауме Муньярга 6/7(1), 6/2, 3/6 ҳисобида имкониятни бой бериб қўйди.

Энди рейтингнинг 60-поғонасидан жой олиб турган Хауме Grand Prix Hassan II турнирининг чорак финалида франциялик Бенуа Пэрга қарши кортга чиқади. Зверев илк босқичда ҳамютимиз Денис Истоминдан 6:4, 6:4 ҳисобида устун келган эди.