07 фев 07:58
Янгиликлар

Теннис

Истоминни ютган Маттео биринчи ракеткани ҳам мусобақадан чиқариб юборди

Болгария пойтахти София шаҳрида теннис бўйича нуфузли ATP турнири давом этмоқда.

Sofia Open турнирининг биринчи ракеткаси россиялик Карен Хачанов ўз иштирокини тўғридан-тўғри иккинчи босқичдан бошлади. Лекин дунёнинг 11-ракеткаси бўлиб турган Хачанов италиялик Маттео Берреттинига ютқазиб қўйди.

Италиялик бу теннисчи илк даврада ҳамюртимиз Денис Истоминни 6:4, 7:6(7) ҳисобида таслим этган эди. Бу сафар рейтингнинг 53-поғонасидан жой олган Маттео турнирнинг биринчи рақамли теннисчидан 2 соату 9 дақиқа давом этган баҳс якунида 6:7(6), 6:3, 6:4 ҳисобида устун келди.