Истоминни ютган Опелка финалдаги 43та эйс зарбаси эвазига илк совринига эга чиқди

Мусобақанинг ҳал қилувчи финал учрашувида америкалик Рейли Опелка канадалик Брайден Шнурни 6-1, 6-7(7), 7-6(7) ҳисобида мағлуб этиб, бош мукофотни қўлга киритди. Рейли финалда оз эмас, кўп эмас 43та эйс зарбасини амалга оширди. Бу Опелканинг фаолиятидаги илк ATP соврини бўлди. 

Айнан Рейли ушбу мусобақанинг иккинчи даврасида ҳамюртимиз Денис Истоминни мағлубиятга учратганди. Аниқроғи, биринчи сет Истомин, иккинчи сет Опелка фойдасига ҳал бўлганди. Ҳал қилувчи учинчи сетнинг биринчи геймидан сўнг Денис жароҳат сабаб баҳсни давом эттира олмаганди.