Жаҳон чемпионати совриндори бўлган дзюдочиларимиз ҳамда уларнинг мураббийлари тақдирланди

Кечаги тадбир доирасида 2024 йилги катталар ўртасидаги жаҳон чемпионатида шоҳсупага кўтарилган спортчилар, табиийки улар орасида дзюдочиларимиз ҳамда уларнинг тренерларига ҳам пул мукофоти топширилди. 

Диёра Келдиёрова жаҳон чемпионатида кумуш, Алишер Юсупов эса бронза медалини қўлга киритган эди. Абу-Даби мезбонлигида ўтган ушбу жаҳон чемпионатида Ўзбекистон терма жамоаси 1 та кумуш ва 1 та бронза медали билан 107 давлат орасида 11-ўринни эгаллаган эди.

Маълумот учун, Ўзбекистон Республикаси Президентининг 2023-йил 7-апрелдаги “Маъмурий ислоҳотлар доирасида ёшлар сиёсати ва спорт соҳасида давлат бошқарувини самарали ташкил қилиш чора-тадбирлари тўғрисида”ги 114-сон Қарорига биноан ҳар йили Олимпия ва Паралимпия спорт турлари бўйича ўсмирлар, ёшлар ва катталар ўртасидаги жаҳон чемпионатларида совриндор бўлган спортчилар ҳамда уларни тайёрлаган мураббийлар бир марталик пул мукофотлари билан тақдирланишади.

Шундан келиб чиқиб, Диёра Келдиёрова жаҳон чемпионатидаги кумуш медали учун 7 500, Алишер Юсупов бронза медалига 3 750 АҚШ доллари пул мукофоти сертификатини қабул қилиб олди.