"Жанг фақат камар учун". Шавкат Раҳмонов Муҳаммадга қарши жанг қилмайди

Бу жанг ўтган йили бўлиши керак эди, лекин Муҳаммад касаллик сабабли баҳсдан воз кечганди.

Қозоғистонлик жангчининг сўзларига кўра, у шошилмоқчи эмас ва жорий йил кузида бўладиган Жек Делла Маддалена ҳамда Ислам Махачев ўртасидаги чемпионлик жанги ғолиби билан жанг қилишни хоҳлайди.

"Бу ёлғон. Бу ҳақда мен билан ҳеч ким гаплашмаган. Журналистлар тарқатган миш-мишларга ўхшайди. Мен билан бу масала муҳокама қилинмаган. Ҳаммаси яхши кетса, йил охирида қайтишни хоҳлайман. Делла Маддалена ва Махачев жангида ким ғолиб бўлса, ўша билан жанг қилмоқчиман. Агар кутиш керак бўлса — кутаман, лекин менга фақат камар керак. Бошқа жанглар қизиқтирмайди", — деди “Номад”.