Жанги бекор бўлган Бенил Дариуш иккиталик гонорар олади

UFC дивизиони рейтингида 9-ўринни эгаллаб турган Дариуш аслида UFC 311 турнирида ўзидан бир поғона қуйида бораётган бразилиялик Ренато Мойканога қарши октагонга чиқиши керак эди. Промоушен раҳбарлари Ислам Махачевни турнир кардида сақлаб қолиш учун Ренато Мойканони танлашди. Бунинг оқибатида Дариуш жангсиз қолди. 

"Ҳаммаси ажойиб – эътироз билдиришдан йироқман. Улар кафолатланган гонораримдан ташқари қўшимча пул ҳамда ғалаба учун бонус ҳам берадиган бўлишди. Дана Уайт, UFC ва Хантер Кэмпбеллга раҳмат айтмоқчиман. Юқорида айтганимдек, нолишга сабаб йўқ. Улар нима учун бундай қарорга келишганини тушуниб турибман. Ҳа, мен ҳам камар учун жанг қилишим мумкин эди. Лекин уларнинг танлови мен бўлиб чиқмадим. Демак, шу тўғри йўл экан. Уларнинг ўрнида мен бўлганимда ҳам шундай йўл тутган бўлардим", - дея америкалик аралаш яккакураш устасининг сўзларини келтиради The Schmo.