Жароҳат панд берди — Тимофеева "Ролан Гаррос"даги юришини аламли тарзда тўхтатди

Ўзбекистоннинг иккинчи ракеткаси Мария Тимофеева нуфузли мусобақадаги иштирокини нисбатан енгил ғалаба билан бошлаб олганди. Саралаш баҳсларида 24-рақам остида таснифланган Мария илк босқичда Канада вакиласи Кадено Брейсни 6/1, 6/3 ҳисобида мағлубиятга учратганди.

Афсуски, жуда яхши бошланган саралашнинг 1/2 финал учрашувидаги оёғидан олган жароҳат Мария учун қимматга тушди. Тимофеева аргентиналик Мария Лурдес Карлега қарши баҳснинг биринчи сетини 6/2 ҳисобида ўз фойдасига ҳал қилди. Иккинчи сетда Лурдес қаршиликка дуч келмаган ҳолда ғалаба қозонди - 6/0. Ҳал қилувчи учинчи сетда вакиламизнинг оёқ томирлари тортишиб қолди. Буни видеода ҳам кўришингиз мумкин. Мария баҳсни якунлаб қўйишга ўзида куч топа олди, лекин ғалаба рақиба томонда бўлди. 

Таққослаш учун, Тимофеева айни пайтда WTA рейтингида 119, Карле эса 209-ўринни эгаллаб турибди.