Жасурбек Йўлдошев жаҳон чемпионатини ғалаба билан бошлади!

Тошкентда бокс бўйича катталар ўртасидаги йигирма иккинчи жаҳон чемпионатининг иккинчи куни якунига етди. Бироз аввал - 80 кг вазн тоифасида ўзбекистонлик боксчи — Жасурбек Йўлдошев саралаш жангида жазоирлик Юнес Немочига қарши рингга кўтарилди. Жанг тўлиқ 3 раунд давом этди ва унда ортиқчи қийинчиликсиз Жасурбек Йўлдошев ғалаба қозонди. Ҳамюртимиз ҳакамларнинг якдил қарори билан (5:0) кейинги босқичга чиқди. Шунинг билан, жаҳон чемпионатининг иккинчи кунидан ўрин олган жангларда уч нафар ҳамюртимиз рингга кўтарилди ва барчаси ғалаба қозонди.