Жавоҳир Синдаров: "Нодирбек бунга чин дилдан лойиқ эди"

"Турнирни ғалаба билан якунлаганимдан жуда хурсандман. Сўнгги кунда жуда яхши ўйнадим. Албатта, блитц тай-брейкка чиқиш имкони бўлмагани бироз ачинарли, лекин барибир жуда бахтлиман — айниқса дўстим Нодирбек учун. У бунга чин дилдан лойиқ эди. Бу ерда тўртинчи бор ўйнади ва олдин доим иккинчи ёки учинчи бўлган, энди эса ниҳоят турнирни ютди. У ажойиб мусобақа ўтказди. Бундай йирик турнирда биринчи ва иккинчи ўринни эгаллаш — мамлакатимиз учун улкан муваффақият. Ғалабалар орасида энг ёққани — Бльюбаумга қарши матч. Дуранглар ичида эса Гукешга қарши партия: ўша ўйинда позициям ҳақиқатан ҳам ютқазилган эди, лекин жуда яхши ҳимояландим. У компьютердек ҳужум қилди, аммо мен бардош бердим. Навбатдаги турнир — ўн кундан кейин бўладиган Freestyle Chess бўйича Жаҳон чемпионати. Биринчи ўринда, аввал дам оламан. Турнир жуда оғир бўлди, кучимни тиклаб, кейин яна максимал натижа учун ҳаракат қиламан", дейди Синдаров.