05 май 10:39
Янгиликлар

Бокс/ММА

Жавоҳир Умматалиев Манчестердаги катта проф бокс оқшомида ким билан жанг қилиши маълум бўлди

9 май куни Буюк Британиянинг Манчестер шаҳридаги Co-Op Live Arena мажмуасида профессионал бокс турнири ташкил этилади.

Хабар берганимиздек, оқшом доирасида чарм қўлқоп устамиз, ҳаваскор боксда амалдаги Жаҳон чемпиони Жавоҳир Умматалиев рингга кўтарилади. 21 яшар ҳамюртимизга польшалик Дамиан Драбик рақиб бўлади.

Маълумот учун, Жавоҳир Умматалиев проф боксда ҳозирга қадар 1 та жанг ўтказиб, ғалабага эришган. 33 ёшли Дамиан Драбик ҳисобида эса 5 та ғалаба ва 2 та мағлубият бор.

Эътиборлиси, 9 май кунги оқшомда яна бир юртдошимиз — Баҳодир Жалолов ҳам ўзининг навбатдаги жангини ўтказади. Оқшомнинг марказий жанги эса Фабио Уордли ва Даниэль Дюбуа ўртасида WBO супероғир вазн чемпионлик камари учун кечади.