Жейк Пол барча UFC жангчиларини допингга текширмоқчи

Аввалроқ, Дана Уайт Полни стероидлар қабул қилишда айблаганди.

"Дана, мен сен берган шартнинг барча қисмини қабул қиламан. Масвидаль билан ММАда жанг қилишимни айтдим. Сенга қачон қулай бўлса, ўшанда мени стероидларга текширишинг мумкин. Жангимдан икки ҳафта ўтиб мен чўчқадай семирдим, қара. Мен ҳеч қандай стероидлар қабул қилмайман. Сенда бошқа баҳона йўқ. Чемпионларингни икки марта нокаут қилдим. Агар сен мени текширсанг, мен ҳам сенинг жангчиларингни стероидларга текшираман. Бундай бўлишини хоҳламассан?", - деди Жейк Пол.

Бундан ташқари, Жейк Пол ташкилот раҳбарини жангчиларга кам пул тўлашда ҳам айблади.

"Сен менинг ҳеч бир гапларимга умуман жавоб қайтармадинг. Дана Уайт - мен ҳаётимда кўрган энг ёмон капиталистлардан бири. Сен ўз жангчиларингга бошланишига 12 минг доллар тўлайсан. Фаррошлар ҳам шунча пул топади. Жангчиларинг энг камида 50 минг доллар олишлари керак. 

"Хорхе Масвидални PPV қироли деб атадинг. Сен шунчаки унинг охирги постидаги лайклар сонига қара. 5-10 минг дона. Ҳатто, менинг онамда ҳам бу рақам кўпроқ. Инсонлар алдашади, аёллар алдашади, Дана Уайт алдайди. Аммо, рақамлар алдамайди. Сен менинг менежеримни ҳақорат қилдинг. У сенга компанияни 4 млрд долларга сотишга ёрдам берганди. Сен пасткашсан, Дана. Ҳақиқий бахт нималиги сенга бегона. Сен пул ҳаётимни яхшироқ қилади деб ўйлайдиган бахтсиз миллиардерсан. Сенга ачинаман", - деди Жейк Пол