16 ноя 13:47
Янгиликлар

Бокс/ММА

Жейк Пол — Майк Тайсон жангининг зарбалар статистикаси эълон қилинди + ФОТО

Хабарингиз бор, бугун тонгда АҚШнинг Арлингтон шаҳрида узоқ кутилган профессионал бокс турнири бўлиб ўтди.

Оқшомнинг асосий жангида 27 ёшли блогер-боксчи Жейк Пол супероғир вазн тоифасида собиқ мутлақ жаҳон чемпиони, 58 ёшли афсона Майк Тайсонга қарши рингга чиқиб, 8 раунд тўлиқ давом этган жангда очколар (79-73, 79-73, 79-73) ҳисобига кўра ғалаба қозонди.

Ушбу тўқнашув якунланганидан кейин жанг статистикаси эълон қилинди. Икки дақиқадан саккиз раунд давом этган жангда Пол зарбалар кўрсаткичи бўйича олдинда бўлди. Жейк томонидан берилган 78 та зарба манзилига етиб борган. Бу борада Тайсоннинг аниқ зарбалари сони 18 тани ташкил қилди. Жейк жеб зарбалари бўйича ҳам устунлик қилди: 31 га 5! Кучга асосланган зарбалар статистикаси эса 47:13 кўринишида бўлди.

Маълумот учун, бугун Жейк Пол боксдаги 11-ғалабасини қўлга киритди.