28 янв 07:51
Янгиликлар

Теннис

Жокович Australian Open турниридан қанча ишлаб олди?

Дунёнинг биринчи ракеткаси Новак Жокович кеча якунланган Австралия Очиқ чемпионати ғолибига айланган эди.

Сербиялик теннисчи ҳал қилувчи финал учрашувида азалий рақиби испаниялик Рафаэль Надални 6/3, 6/2, 6/3 ҳисобида мағлуб этганди. Икки теннисчининг ўзаро учрашувлардаги ҳисоби 28:25 кўринишига келди. Жокович кечаги баҳсдан сўнг устунликни ошириб олди.

Australian Open турниридаги муваффиқиятли иштирок Жоковичга фаолиятидаги 73-совринни тақдим этди. Бу Новакнинг “Катта Дубулға” туркумига кирувчи 15-титули эди. У энди 7 карра Австралия Очиқ чемпионати ғолиби!

Икки ҳафталик муваффақиятли иштирок сербияликка 2000 рейтинг очкоси ҳамда 4,1 миллион АҚШ доллари миқдоридаги мукофот пулини тақдим этди.