Жон Жонс нима учун чемпионлик камаридан воз кечганини айтди

"Камарни вакант қолдирганимни сабаби - оғир вазнга ўтиш кўп вақт талаба қилади.

Мен дивизионни секинлаштирадиган спортчилардан бири бўлиб қолишни истамадим. Ярим оғир вазн тоифасида кўп муддат чемпион бўлиб турдим. Бу орада кўплаб инсонларнинг чемпионлик орзусини чиппакка чиқардим. Энди эса камарни бошқа одамга бериш вақти келганди. 

Бу барча учун тўғри қарор бўлади деб ўйладим. Мен балки бошқа нималардир қилиб, камарни ўзимда ушлаб туришим мумкин эди: баҳоналар топиш, мухлисларни алдаш, ярим оғир вазнга қайтмоқчи эканлигим ҳақида гапириш ва қолганларни куттириш... Мен бундай қилишни истамадим. Ярим оғир вазнга қайтмоқчи эмасман", - деди Жонс.