26 янв 08:45
Янгиликлар

Теннис

Жўрабек Каримов: "Сербияга қарши осон бўлмаслигини биламиз, биз курашамиз"

Хабарингиз бор, 1-2 февраль кунлари пойтахтимизда "Дэвис Кубоги" доирасида Ўзбекистон ҳамда Сербия терма жамоаси ўртасидаги ўйинлар ўтказилади.

"Дэвис Кубоги" расмий сайти Ўзбекистон терма жамоаси аъзоси, асосий машғулотларини Сербияда олиб борадиган иқтидорли теннисчимиз Жўрабек Каримовнинг фикрларини тақдим этди.

"Белградда дўстларим кўп. Мен серб тилини биламан ва сербча қўшиқлар эшитаман. У ердаги инсонларни яхши кўраман. Доимо "иккинчи уйим"га жон-жон деб бораман. Сербия терма жамоасининг барча теннисчиларини биламан. Янко Типсаревич академиясида уларнинг кўпи билан машғулот ўтказганман. Улардан кўп нарса ўрганганман.

Биз ўз мухлисларимиз кўз ўнгида ўйнаймиз. Денис бизнинг энг кучли қуролимиз. Сербияга қарши ўйин осон бўлмаслигини биламиз. Биз курашамиз. Барчамиз ғалаба қозонишни истаймиз", - деди Жўрабек Каримов.