11 дек 07:23
Янгиликлар

Бокс/ММА

Жошуа ва Пулев кўз уриштиришди, эртага жанг + ФОТО

Эртага Лондондаги O2 аренада супероғир вазн тоифасидаги узоқ кутилган чемпионлик жанги бўлиб ўтади.

Унда супероғир вазнда WBA, WBO, IBF ва IBO йўналишлари чемпиони британиялик Энтони Жошуа болгариялик даъвогар Кубрат Пулевга қарши рингга кўтарилади.

Эртанги жанг олдидан боксчилар анъанага кўра расмий кўз уриштириш маросимида юзма-юз келишди. Жангда ўртага Жошуага тегишли WBA, WBO, IBF ва IBO камарлари қўйилади.

Маълумот учун, Энтони сўнгги бор рингга ўтган йилнинг декабрь ойида кўтарилган ва ўшанда Энди Руисни реванш баҳсида мағлубиятга учратиб, камарларини қайтариб олган эди. Пулев эса охирги жангида Райделл Букерни очколар ҳисобига кўра таслим этганди. Кубрат фаолиятидаги ягона мағлубиятни 2014 йилда Владимир Кличкодан қабул қилиб олган. Украиналик ўшанда болгариялик рақибини бешинчи раундда нокаутга учратган эди.