21 мар 16:32
Янгиликлар

Бокс/ММА

Камару Усман янгиланган P4P рейтингида 8-ўринга тушиб кетди

UFC вазн тоифасидан қатъи назар янгиланган P4P рейтингини эълон қилди.

Етти ой олдин "нигериялик даҳшат" ушбу рейтинг карвонбошиси эди. Янгиланган рейтингда у 8-ўринга тушиб кетди. Камару ўтган ҳафта Леон Эдвардсга қарши кечган реванш жангида яна мағлубият аламини тотиб кўрган эди.

Усман Pound-for-pound рейтингида Исраэль Адесанья, Алекс Перейра ва Алжамэйн Стерлингни ўзидан юқорига ўтказиб юборди. Номлари тилга олинган жангчилар мос равишда рейтингнинг бешинчи, олтинчи ва еттинчи поғоналаридан жой олишган.

Лондонда ўтган UFC 286 турнирининг марказий жангида айнан Камару Усманни мағлубиятга учратган Леон Эдвардс 4-ўринни сақлаб қолди. Кучли учликка енгил вазн тоифаси чемпиони Ислам Махачев якун ясаган.