31 янв 11:23
Янгиликлар

Теннис

Камилла Раҳимова иштирок этадиган турнирга қуръа ташланди

Мамлакатимизнинг биринчи ракеткаси Камилла Раҳимова душанба кунидан асосий тўр баҳслари бошланадиган турнирдаги илк рақибасини билиб олди.

Вакиламиз Руминиянинг Клуж-Напока шаҳрида ташкил этиладиган WTA 250 тоифасига кирувчи турнирда ўз омадини синаб кўради. Мусобақанинг мукофот жамғармаси 283 347 АҚШ долларидан иборат.

Қуръа натижасига кўра, Камилла Раҳимова илк даврада руминиялик Сорана Кирстяга қарши кортга чиқадиган бўлди. Мезбон теннисчи турнирда учинчи рақам остида таснифланган. Турнирнинг биринчи ракеткаси британиялик Эмма Радукану бельгиялик Грит Миннен билан тўқнаш келади.