Карен Хачанов қаторасига иккинчи ҳафта ҳам финалда ўйнайди

Erste Bank Open турнирида финал иштирокчилари маълум бўлди. ATP рейтингида 24-поғонадан жой олган россиялик Карен Хачанов 1/2 финалда лунёнинг 10-ракеткаси, австралиялик Алекс Де Минаурни ортиқча қийинчиликсиз мағлубиятга учратди - 6/2, 6/4. 

Бу билан у қаторасига иккинчи ҳафта ҳам ATP турнири финалига йўл олди. У ўтган ҳафта Қозоғистоннинг Олма-Ота шаҳрида ўтказилган ATP 250 турнирининг финалида канадалик Габриэль Диаллони 6/2, 5/7, 6/3 ҳисобида мағлуб этиб, бош соврин соҳибига айланганди.

Кечаги 91 дақиқа давом этган 1/2 финалда у 9 та эйс, 4 та брейк қайд этиб, қўшхатога йўл қўймади. Де Минаурга қарши кечган учинчи учрашувда у ҳисобда олдинга чиқиб олди - 2:1. Бугун Карен Erste Bank Open бош соврини учун британиялик Жек Дрэйперга қарши кортга чиқади.