01 май 10:10
Янгиликлар

Теннис

Карлос Алькараз Madrid Open учинчи даврасида кортга чиқди

Испаниянинг Мадрид шаҳрида "Мастерс" сериясига кирувчи нуфузли турнир давом этмоқда.

Дунёнинг иккинчи ракеткаси Карлос Алькараз мусобақанинг 1/8 финал иштирокчисига айланди. Испаниялик теннисчи учинчи давра баҳсида рейтингнинг 32-поғонасида бораётган болгариялик Григор Димитровдан 6/2, 7/5 ҳисобида устун келди.

Икки соату 18 дақиқа давом этган учрашувда Алькараз 3, Димитров 2 та эйс зарбани амалга оширди. Теннисчиларнинг ўзаро иккинчи учрашувида ҳам ғалаба Карлос томонида бўлди. Энди Алькараз 1/8 финалда германиялик Александр Зверевга қарши кортга чиқади.