19 авг 07:27
Янгиликлар

Теннис

Киз - Western & Southern Open чемпиони!

АҚШнинг Цинциннати шаҳрида теннис бўйича “Премьер” тоифасига кирувчи нуфузли турнир ўз якунига етди.

Ҳал қилувчи финал учрашувида сайёрамизнинг 18-ракеткаси, америкалик Мэдисон Киз рейтингнинг 153-поғонасидан жой олиб турган россиялик Светлана Кузнецовага қарши кортга чиқди.

Киз 1 соату 44 дақиқа давом этган баҳс якунида турнир кашфиётига айланган тажрибали рақибасини 7/5, 7/6(5) ҳисобида мағлубиятга учратди. Мэдисон 13 та эйс зарбасини йўллашга муваффақ бўлди.

Western & Southern Open турниридаги муваффақиятли иштирок Мэдисон Кизга 900 рейтинг очкоси ҳамда 544 500 доллар мукофот пулини тақдим этди. Кузнецова эса 269 576 доллар ҳамда 585 очкога эга бўлди. Россиялик теннисчи бугун эълон қилинадиган рейтингда Топ-60га кириб олади.