01 окт 13:51
Янгиликлар

Бокс/ММА

Колумбиялик 25 ёшли боксчи жанг пайтида олган жароҳатлари туфайли вафот этди + ФОТО

Колумбиялик боксчи Луис Киноньес ватандоши Хосе Муньос билан жангда олган жароҳатлари сабабли вафот этди.

Жангдан кейин спортчи касалхонага юборилган. 25 ёшли боксчи бош мия артериясидаги қон "тромб"ини олиб ташлаш учун операция қилинган. Шундан сўнг боксчи кома ҳолатига тушган. Куни кеча спортчининг акаси унинг вафот этганини маълум қилди.

Киноньес Муньос билан Барранкилье шаҳрида жанг қилган эди. Муньос ушбу жангда нокаут эвавзига ғалаба қозонган, Киноньес эса рингдан замбилда олиб чиқиб кетилган эди.

25 ёшли боксчи фаолиятини 2018 йилда бошлаган эди. У профессионал боксда 11 та жанг ўтказиб, ўнтасида ғалаба қозона олди. Хосе Муньос билан жангдаги мағлубият унинг фаолиятидаги биринчи ва оҳиргиси бўлди.