18 авг 13:58
Янгиликлар

Бокс/ММА

Конор Махачевдан енгилган ватандоши Гэррига юзланди

Йен Мачадо Гэррининг Ислам Махачев устидан муддатидан аввал ғалаба қозонишини башорат қилган Конор Макгрегор жангдан кейин яна ҳамюртига "мессеж" йўллади.

Конор чемпионлик жангида ютқазган ватандошини қўллаб-қувватлади.

"Чемпионлик менталитети!" – деб ёзди Конор Гэрри жанг якунлари бўйича ўз фикрларини билдирган видеога изоҳ қолдирар экан.

Хусусан, эълон қилинган видеода ирландиялик ярим ўрта вазн вакили дўсти ва жамоадоши Чарльз Оливейра мисолида мағлубиятлар ҳеч нарсани англатмаслигини тушуниб етганини айтди. Шунингдек, Гэрри мухлисларга албатта қайтиши ва ҳали UFC чемпиони бўлишини ваъда қилди.

Филадельфияда бўлиб ўтган UFC 330 турнирининг марказий жанги олдидан Макгрегор Гэррининг Махачевни бошига тепиб (ҳай-кик) нокаут қилишини тахмин қилган эди. Бироқ айнан россиялик спортчи иккинчи раундда рақибини айнан шу зарба билан нокдаун ҳолатига тушириб қўйди.