17 янв 09:09
Янгиликлар

Бокс/ММА

Кубрат Пулев Жошуага қарши жангини анонс қилди + ФОТО

Болгариялик супероғир вазн тоифасидаги боксчи Кубрат Пулев кейинги рақиби WBA, WBO, IBF ва IBO йўналишлари чемпиони Энтони Жошуа бўлишини маълум қилди.

Пулев Facebook саҳифасида хабар қолдириб, жангнинг май ойида Туркиянинг Истанбул шаҳрида ўтказилишини ошкор қилган. Лекин ҳозирча жангнинг аниқ санаси кўрсатилмаган.

Бўлажак жангда Энтони Жошуа ўзига тегишли бўлган IBF чемпионлик камарини ҳимоя қилиши шарт. Айнан Кубрат Пулев ушбу чемпионлик камарига расмий ва шу билан бирга мажбурий даъвогар ҳисобланади.

Маълумот учун, ҳар иккала боксчи ҳам фаолиятларида бир маротабадан мағлубият аламини тотиб кўришган. Жошуа ҳисобида 23 ғалаба (21 нокаут), Пулевда 28 ғалаба (14 нокаут) бор.