Лейла Фернандес Наньчанда бош совринни кўзламоқда

Сайёрамизнинг 43-ракеткаси бўлиб турган Лейла Фернандес мусобақанинг 1/2 финалига йўл олди. Канадалик теннис маликаси 83 дақиқа давом этган 1/4 финалда WTA рейтингининг роппа-роса 90-поғонасида бораётган беларуслик Александра Сосновичдан 6/3, 6/4 ҳисобида устун келди. 

Лейла теннисчиларнинг ўзаро учрашувларидаги ҳисоб мувозанатини тиклашга ҳам муваффақ бўлди - 1:1. Фернандес 4, Соснович 1 та эйс зарбасини ижро этган. Қўшхатолар ғолиб теннисчида кўпроқ бўлди - 3 га 1. Брейклар сони бўйича ҳам Лейла устунликка эришди - 4:2.