Libema Open. Жуфтликдаги бош соврин Кунчиқар юртга кетди

Мусобақанинг жуфтлик баҳсларида япониялик теннисчилар ғалаба қозониб, бош соврин соҳибасига айланишди. Шуко Аояма ва Ена Шибахара словакиялик дугоналари Виктория Грунчакова ҳамда Тереза Михаликова ҳамкорлигини икки сетда ҳам бир хил ҳисобда таслим этишди - 6/3, 6/3.

Олтмиш тўққиз дақиқа давом этган учрашувда Аояма/Шибахара жуфтлиги 2 та эйс, 4 та брейкни амалга ошириб, 3 та қўшхатога йўл қўйишди. Libema Open турниридаги муваффақиятли иштирок японияликларга 280 рейтинг очкоси ҳамда 10,820 евро мукофот пули келтирди.